દેશભરમાં દિવસેને દિવસે અકસ્માતની ઘટનાઓ વધી રહી છે. ત્યારે ગુરુવારે રાત્રે એક ચોંકાવનારી અકસ્માતની ઘટના પ્રકાશમાં આવી રહી છે. જાણવા મળ્યું છે કે, આ ઘટનામાં રાત્રે રેલવે ટ્રેક ક્રોસ કરતી વખતે એક યુવક ટ્રેનની અડફેટે આવી ગયો હતો. જેથી યુવકનું દર્દનાક મોત નીપજ્યું હતું.
આ અકસ્માતની ઘટન બાદ જીઆરપીની ટીમ તાત્કાલિક ઘટનાસ્થળે આવી પહોંચી હતી. ત્યારબાદ મૃત્યુ પામેલા યુવકના મૃતદેહને કબજે લઈને તેની ઓળખ કરવામાં આવી હતી. ત્યારબાદ મૃતદેહને પોસ્ટમોર્ટમ માટે મોકલી ઘટનાની જાણ યુવકના પરિવારજનોને કરવામાં આવી હતી.
પોસ્ટમોર્ટમ રિપોર્ટ આવ્યા બાદ મૃતદેહને યુવકના પરિવારજનોને સોંપી દેવામાં આવ્યો હતો. મળતી માહિતી મુજબ, આ દુઃખદ ઘટના હરિયાણાના પલવલમાંથી સામે આવી રહી છે. મૃત્યુ પામેલા યુવકની ઉંમર માત્ર 21 વર્ષની હતી અને તેનું નામ સુંદર હોવાનું જાણવા મળ્યું છે. સુંદર કોઈ અંગત કામથી ચાલીને જતો હતો.
આ દરમિયાન, રસ્તામાં આવેલા રેલવેના પાટા તે ક્રોસ કરીને બીજી તરફ જઈ રહ્યો હતો. ત્યારે તે રેલવેના પાટા ઉપર આવી રહેલી ટ્રેનને જોયા વગર રેલવેના પાટા ક્રોસ કરે છે. જેના કારણે તે ટ્રેનની અડફેટેમાં આવી જાય છે. આ કારણસર તેનું ઘટનાસ્થળે જ મોત નીપજ્યું હતું. સુંદરનું મોત થતા જ તેના પરિવારમાં શોકનો માહોલ છવાયો હતો.
જાણવા મળ્યું છે કે, 21 વર્ષનો સુંદર એક કંપનીમાં કામ કરીને પરિવારને આર્થિક રીતે મદદરૂપ બનતો હતો. સમગ્ર ઘટના બન્યા બાદ જીઆરપીની ટીમ ઘટનાસ્થળે પહોંચી આવી હતી અને મૃત્યુ પામેલા યુવકના મૃતદેહને પોસ્ટમોર્ટમ માટે મોકલી આપવામાં આવ્યો હતો.
