Appleની ઇવેન્ટ 12 સપ્ટેમ્બરે યોજાવા જઈ રહી છે, આ વખતે Apple ઇવેન્ટમાં કંપનીની નવી iPhone 15 સિરીઝ લૉન્ચ થવા જઈ રહી છે. નવી સિરીઝના લોન્ચિંગમાં ઘણો ઓછો સમય બાકી છે. હવે એક તાજેતરના અહેવાલમાં ખુલાસો થયો છે કે iPhone 15 અને iPhone 15 Pro કેટલાક મુખ્ય ફિચર્સ સાથે આવવા જઈ રહ્યા છે જે iPhone 14 Proમાં જોવા મળ્યા હતા.
જે લોકો iPhone 15 અથવા iPhone 15 Plus, iPhone 14 Pro ખરીદવાનું વિચારી રહ્યા છે. તેમના માટે આજે અમે તમને iPhone 15 સિરીઝના લોન્ચિંગ પહેલા તે ફીચર્સ વિશે જણાવવા જઈ રહ્યા છીએ. બ્લૂમબર્ગ માર્ક જર્મનના એક રિપોર્ટમાં જાણવા મળ્યું છે કે ગ્રાહકોને iPhone 15 અને iPhone 15 Plusમાં 48-મેગાપિક્સલનો રિયર કેમેરા સેન્સર અને ડાયનેમિક આઇલેન્ડ ફીચર મળી શકે છે.
ડાયનેમિક આઇલેન્ડ એક પિલ-આકારનું કટઆઉટ છે જેમાં આગળનો કેમેરા અને ફેસ ID સેન્સર છે. નોંધનીય છે કે, ડાયનેમિક આઇલેન્ડ એપલ ફોનના નોચ કરતા નાનો છે. તેના નાના કદના કારણે, વપરાશકર્તાઓને વધુ સ્ક્રીન સ્પેસ મળે છે. આ ફીચર સૌ પ્રથમ iPhone 14 Pro અને iPhone 14 Pro Maxમાં રજૂ કરવામાં આવ્યું હતું.
iPhone 15 અને iPhone 15 Plusમાં A16 Bionic ચિપસેટ સ્પીડ અને મલ્ટીટાસ્કિંગ માટે આપી શકાય છે. આ સિવાય રિપોર્ટ એ પણ સૂચવે છે કે iPhone 15 Pro અને iPhone 15 Pro Maxમાં A17 Bionic ચિપસેટનો ઉપયોગ કરવામાં આવ્યો છે. હવે તમને આ બંને ઉપકરણોમાં વધુ સારું પ્રદર્શન, કેમેરા અને ફીચર્સ મળશે.
