આજકાલ અકસ્માતના બનાવો ઘણા વધી રહ્યા છે. ત્યારે એક ચોંકાવનારા અકસ્માતના સીસીટીવી ફૂટેજ સામે આવી રહ્યા છે. આ ઘટનામાં સ્કૂટર પર સવાર દંપતી ટ્રેલર ટ્રકને ઓવરટેક કરવા જાય છે. આ દરમિયાન, પતિ-પત્નીનું ટ્રક નીચે કચડાઈ જતાં મોત નીપજ્યું હતું.
સમગ્ર અકસ્માતની ઘટના નજીકમાં લગાવેલા સીસીટીવી કેમેરામાં કેદ થઈ જવા પામી હતી. ઘટનાના વાયરલ થઈ રહેલા સીસીટીવી ફૂટેજ જોઈને ભલભલા લોકોને રુવાડા બેઠા થઈ ગયા છે. મળતી માહિતી મુજબ, આ અકસ્માતની ઘટના ઉત્તરપ્રદેશના ગાઝિયાબાદમાંથી સામે આવી છે. આ અકસ્માતની ઘટના બુધવારે બની હતી.
बेहद दर्दनाक हादसा सीसीटीवी में कैद.
ट्रक की चपेट में आ गया दंपति, मौके पर हुई मौत
घटना गाजियाबाद की है. pic.twitter.com/UYcdMD5Yus— Priya singh (@priyarajputlive) September 13, 2023
સ્કુટી સવાર પતિ-પત્ની જ્યારે ટ્રકને ઓવરટેક કરવા જાય છે ત્યારે તેઓ અકસ્માતનો શિકાર બને છે અને બંનેનું ઘટનાસ્થળે જ દર્દનાોક મોત નીપજ્યું હતું. આ ઘટના બનતા જ આસપાસના લોકો તાત્કાલિક ઘટનાસ્થળે દોડી આવ્યા હતા. ત્યારબાદ પતિ પત્નીને સારવાર માટે હોસ્પિટલ લઈ જવામાં આવ્યા હતા. જ્યાં હોસ્પિટલમાં હાજર ડોક્ટર દ્વારા બંનેને મૃત જાહેર કરવામાં આવ્યા હતા.
જાણવા મળ્યું છે કે, મૃત્યુ પામેલા પતિનું નામ અરુણ હતું અને તેની ઉંમર 28 વર્ષની હતી. મૃત્યુ પામેલી પત્નીનું નામ સુનિતા હતું અને તેની ઉંમર 27 વર્ષની હતી. બંનેનું એકસાથે કરુણ મોત થતા પરિવારમાં માતમ છવાયો હતો. હાલમાં સમગ્ર ઘટનાને લઈને પોલીસ દ્વારા કાયદેસરની કાર્યવાહી શરૂ કરવામાં આવી છે. હાલ ઘટનાના સીસીટીવી ફૂટેજ સોશિયલ મીડિયા પર ખૂબ જ ઝડપથી વાયરલ થઈ રહ્યા છે.
