58 વર્ષીય આર્ટ ડાયરેક્ટર નીતિન ચંદ્રકાંત દેસાઈએ કર્જતના એનડી સ્ટુડિયોમાં સવારે 3 વાગ્યે ગળેફાંસો ખાઈને જીવનનો અંત આણ્યો હતો. ઘટનાની માહિતી મળતા જ પોલીસ ઘટના સ્થળે પહોંચી ગઈ હતી. સ્ટુડિયો સ્ટાફના જણાવ્યા અનુસાર, નીતિને સવારે 3 વાગે આત્મહત્યા કરી હતી. નીતિન તેનો મોટાભાગનો સમય તેના સ્ટુડિયોમાં જ પસાર કરતો હતો. કર્જત મુંબઈથી લગભગ 65 કિમી દૂર છે. છેલ્લા 20 વર્ષથી તે બોલિવૂડનું ફેવરિટ શૂટિંગ લોકેશન છે. 2005માં કર્જતમાં એનડી સ્ટુડિયો બનાવવામાં આવ્યો હતો.
નીતિન દેસાઈએ 1987માં ટીવી શો ‘તમસ’થી પોતાના કરિયરની શરૂઆત કરી હતી. તેઓ 13 દિવસ અને 13 રાત એક જ સેટ પર રહ્યા. એક ઈન્ટરવ્યુમાં તેણે કહ્યું હતું કે, તે સમયે જો તે 15 મિનિટ માટે પણ નહાવા જતો તો તેને લાગ્યું કે તે 15 મિનિટ વેડફી દીધી છે.
‘મંગલ પાંડે- ધ રાઇઝિંગ’નું પહેલું શૂટિંગ આ એનડી સ્ટુડિયોમાં થયું હતું. ત્યારબાદ મધુર ભંડારકરની ‘ટ્રાફિક સિગ્નલ’ અને આશુતોષ ગોવારીકરની ‘જોધા અકબર’નું શૂટિંગ થયું. આ ફિલ્મ માટે ઐશ્વર્યા રાય અને રિતિક રોશન 6 મહિના સુધી સેટ પર રહ્યા હતા.
આ સ્ટુડિયોમાં આમિર ખાનની ફિલ્મ ‘મંગલ પાંડે- ધ રાઇઝિંગ’નું પહેલું શૂટિંગ થયું હતું. ત્યારબાદ મધુર ભંડારકરની ‘ટ્રાફિક સિગ્નલ’ અને આશુતોષ ગોવારીકરની ‘જોધા અકબર’નું શૂટિંગ થયું. આ ફિલ્મ માટે ઐશ્વર્યા રાય અને રિતિક રોશન 6 મહિના સુધી સેટ પર રહ્યા હતા.
‘વોન્ટેડ’, ‘બોડીગાર્ડ’, ‘પ્રેમ રતન ધન પાયો’, ‘કિક’ જેવી સલમાન ખાનની દરેક મોટી ફિલ્મનું શૂટિંગ અહીં થયું છે. સલમાનને પ્રકૃતિની નજીક શૂટ કરવાનું પસંદ છે, તેથી તેણે આ સ્ટુડિયો પસંદ કર્યો. તે ‘પ્રેમ રતન ધન પાયો’ના સેટ પર 90 દિવસ સુધી રહ્યો. આ ફિલ્મ માટે અમે એક કરોડની કિંમતનો કાચનો મહેલ બનાવ્યો હતો. સલમાન જ્યારે પણ અહીં આવે છે ત્યારે મોટાભાગે તે સિક્યોરિટી વગર સ્કૂટી પર ફરે છે.
