પરિણીતી ચોપરા અને રાઘવ ચઢ્ઢાના ડેટિંગના સમાચારે બધાને ચોંકાવી દીધા હતા. બંને ઘણી વખત રેસ્ટોરન્ટની બહાર સાથે જોવા મળ્યા હતા. આ પછી બંનેએ 13 મેના રોજ તેમણે સગાઈ કરી લીધી. આ પછી, કપલે લગ્ન સ્થળ માટે ઘણી વખત રાજસ્થાનની મુલાકાત લીધી અને પછી લગ્ન માટે ઉદયપુર ફાઇનલ કર્યું.
પરિણીતી ચોપરા અને રાઘવ ચઢ્ઢાના લગ્નમાં ફિલ્મ અને રાજકીય જગતની અનેક હસ્તીઓ હાજરી આપશે. આવી સ્થિતિમાં કપલ પોતે લગ્નની તૈયારીઓ પર નજર રાખી રહ્યા છે. નવીનતમ માહિતી અનુસાર, કપલના લગ્નનું ફંક્શન એક અઠવાડિયા સુધી ચાલશે અને તે 17 સપ્ટેમ્બરથી શરૂ થશે.
પરિણીતીને તેની બહેન પ્રિયંકા ચોપરાના લગ્નમાં રાજસ્થાનની રોયલ સ્ટાઇલ પસંદ આવી હતી. ‘આવી સ્થિતિમાં તેને પોતાના લગ્ન માટે પણ આવી થીમ પસંદ આવી છે. હિન્દુસ્તાન ટાઈમ્સના અહેવાલ મુજબ પરિણીતી અને રાઘવે લગ્ન સ્થળ તરીકે લીલા પેલેસને પસંદ કર્યો છે. માત્ર પરિણીતી અને રાઘવના ખાસ સંબંધીઓ જ અહીં રોકાશે.
લગ્નમાં આવનાર અન્ય ખાસ મહેમાનો માટે લગ્ન સ્થળની આસપાસની ખાસ જગ્યાઓ નક્કી કરવામાં આવી છે. મહેમાનોના આગમનની પ્રક્રિયા 17 સપ્ટેમ્બરથી શરૂ થશે. આ પછી 18 થી 20 નાના ફંક્શન થશે. આ પછી 21 અને 22 તારીખે મહેંદી, કોકટેલ પાર્ટી અને સંગીત જેવા ફંક્શનના સમાચાર સામે આવ્યા છે.
પરિણીતી ચોપરા અને રાઘવના લગ્નનું મુખ્ય ફંક્શન 23 અને 24 સપ્ટેમ્બરે થશે. મળતી માહિતી મુજબ, કપલ દિવસ દરમિયાન મુલાકાત કરશે અને રાત્રે પાર્ટી કરશે. બહેન પ્રિયંકા ચોપરા 22 કે 23 સપ્ટેમ્બરે ઉદયપુર પહોંચશે. જો અહેવાલોનું માનીએ તો, 200 થી વધુ મહેમાનો માટે વ્યવસ્થા કરવામાં આવી રહી છે, જેમાંથી 50 VVIP મહેમાનો હશે.
પરિણીતી ચોપરાની વિદાય પહેલા રિસેપ્શનનું આયોજન કરવામાં આવશે. જેમાં ઘણી હસ્તીઓ હાજરી આપશે. તે જ સમયે, મુંબઈ પહોંચ્યા પછી, કપલ દ્વારા ફિલ્મ જગતના મહેમાનો માટે એક પાર્ટીનું આયોજન કરવામાં આવશે. લગ્નમાં પંજાબી સંસ્કૃતિ સંપૂર્ણ રીતે જોવા મળશે. સાથે જ મહેમાનોને રાજસ્થાની ફૂડનો સ્વાદ પણ મળશે.
