આજકાલ વધી રહેલા આત્મહત્યાના કિસ્સો દરમિયન ફરીવાર એક આત્મહત્યાનો કિસ્સો સામે આવ્યો છે જેમાં તમિલનાડુમાં NEET પરીક્ષામાં નાપાસ થયા પછી તેના 19 વર્ષના પુત્રએ આત્મહત્યા કરી તેના એક દિવસ પછી પિતાએ પણ આત્મહત્યા કરી. છોકરાના પિતા ચેન્નાઈમાં તેના ઘરે મૃત હાલતમાં મળી આવ્યા હતા.
મળતી માહિતી મુજબ, જગદીશ્વરન નામનો વિદ્યાર્થી 427 માર્ક્સ સાથે 12માની પરીક્ષા પાસ કર્યા બાદ બે પ્રયાસોમાં NEET પ્રવેશ પરીક્ષા પાસ કરી શક્યો ન હતો. આ વાતથી તે ખૂબ પેરેશન હતો. શનિવારે, તેણે તેના પિતાના ફોનનો પણ જવાબ આપ્યો ન હતો અને તે ઘરે મૃત હાલતમાં મળી આવ્યો હતો.
બીજા દિવસે સવારે તેના પિતા પણ ઘરે મૃત હાલતમાં મળી આવ્યા હતા. પોલીસે જણાવ્યું કે, તે પોતાના પુત્રના મૃત્યુનું દુઃખ સહન ન કરી શક્યો અને તેણે પોતાના ઘરે ગળેફાંસો ખાઈ જીવન ટૂંકાવી લીધું હતું. આ ઘટના બાદ તમિલનાડુના મુખ્યમંત્રી એમકે સ્ટાલિને મૃત્યુ પર શોક વ્યક્ત કર્યો હતો અને વિદ્યાર્થીઓને “આત્મહત્યાના વિચારો ન રાખવા પરંતુ આત્મવિશ્વાસ અને જીવન જીવવા” જણાવ્યું હતું.
2021 માં, તમિલનાડુ એસેમ્બલી દ્વારા NEETમાંથી મુક્તિ માંગતું બિલ પસાર કરવામાં આવ્યું હતું. એવી દલીલ કરી કે તે સમૃદ્ધ વિદ્યાર્થીઓની તરફેણ કરે છે જેઓ ખાનગી કોચિંગ પરવડી શકે છે અને ગરીબ પરિવારો અને ગ્રામીણ વિસ્તારોના વિદ્યાર્થીઓનો ગેરલાભ ઉઠાવે છે.
ભલે તેઓએ 12મા ધોરણની પરીક્ષામાં ઉચ્ચ ગુણ મેળવ્યા હોય. લગભગ એક દાયકા પહેલા, રાજ્ય દ્વારા મેડિકલ પ્રવેશ માટેની પ્રવેશ પરીક્ષાને નાબૂદ કરી દેવામાં આવી હતી અને વિદ્યાર્થીઓને તેમના ધોરણ 12ના ગુણના આધારે એમબીબીએસ પ્રોગ્રામમાં પ્રવેશ આપવામાં આવ્યો હતો. રાજ્યપાલ આરએન રવિએ બિલને વિધાનસભા દ્વારા ફરીથી પસાર કર્યા પછી મંજૂરી માટે રાષ્ટ્રપતિ દ્રૌપદી મુર્મુને મોકલ્યું.
