સુરતના ચોક વિસ્તારમાં મેટ્રોના કામમાં કીચડ કાઢવાનું કામ કરતા યુવકનું વીજ કરંટ લાગતા ઘટનાસ્થળે જ મોત નીપજ્યું હતું, જેથી પરિવારે ન્યાયની માંગ સાથે મૃતદેહ સ્વીકારવાનો ઈન્કાર કર્યો હતો. છેલ્લા 24 કલાકથી સુરત સિવિલ હોસ્પિટલના પોસ્ટમોર્ટમ રૂમમાં લાશ પડી છે. જ્યારે મેટ્રોમાં અધિકારીઓ દ્વારા પરિવારજનોને સમજાવવાનો પ્રયાસ કરવામાં આવી રહ્યો છે.
ડિંડોલી કૈલાસનગરમાં રહેતા મરાઠી પરિવાર સાથે આવેલા ઈશ્વર મદન ખલસે (22) મેટ્રોના કામકાજમાં હાઉસકીપર તરીકે કામ કરતા હતા. રવિવારે બપોરે ચોકબજારમાં ચાલી રહેલા મેટ્રોના કામ દરમિયાન ઇશ્વર અને તેની બહેન સહિતના પરિવારના સભ્યો કીચડ કાઢવાનું કામ કરી રહ્યા હતા. પછી કોઈક રીતે કાદવમાં વીજપ્રવાહ પસાર થયો, જેના કારણે ઈશ્વરને વીજ કરંટ લાગ્યો અને તેનું ઘટનાસ્થળે જ મોત થઈ ગયું હતું.
બનાવની જાણ થતા અઠવા પોલીસે ઘટના સ્થળે પહોંચી તપાસ હાથ ધરી હતી. જ્યારે મેટ્રો ઓપરેશન દરમિયાન બેદરકારીના કારણે ઇશ્વરનું વીજ કરંટ લાગવાથી મૃત્યુ થયું ત્યારે તેના પરિવારજનો અને સંબંધીઓએ મૃતદેહ સ્વીકારવાનો ઇનકાર કર્યો હતો. છેલ્લા 24 કલાકથી મૃતદેહ સિવિલ હોસ્પિટલના પોસ્ટ મોર્ટમ રૂમમાં છે.
મૃતકના ભાઈ સંતોષે જણાવ્યું કે, મેટ્રોના અધિકારીઓએ મૃતકનો વીમો કરાવવાનું કહ્યું હતું. વીમાની જવાબદારી લીધી. કંપની પાસેથી પૈસા મેળવવાની જવાબદારી પણ તેણે લીધી હતી. જ્યાં સુધી અમને લેખિતમાં બાંયધરી નહીં મળે ત્યાં સુધી અમે લાશ નહીં લઈએસ્વીકારીએ.
